१७. हातहरु

हातहरु
उठार्इरहेकाछौ धेरै पहिले देखि
उनीहरुको विरुद्धमा
किनभने हामीलाई
हाम्रो हात चाहिएको थियो
हाम्रो आवाज चाहिएको थियो
हाम्रो स्वतन्त्रता चाहिएको थियो
किनकी यी हातहरु हाम्रो भएर पनि
हाम्रा भएका थिएनन्
आज तिनै हातहरु
उन्मक्तीका साथ उचाली रहेकाछौ
त्यसरी उठीसकेका हातहरु
अव कहिल्यै गल्दैनन्
अव कहिल्य ढल्दैनन्
अव कहिल्य झुक्दैनन्
अव कहिल्य फुट्दैनन्
अव कहिल्य लुक्दैनन्
किनभने हातहरु पहाड वनेर उठीसकेकाछन्

हातहरु
गाउँ वस्ति शहरवाट उठेकाछन्
हरेक तह र ताप्कावाट जुटेकाछन्
देशको अङ्ग अङ्गवाट ब्युँझेकाछन्
हिमाल पहाड तर्राईवाट जागेकाछन्
जुनवेला हातहरु सत्ताका साङलाहरुले
वाँधिएका थिए
आज तिनै हातहरु उन्मुक्तीको लागि उठेकाछन्
अव यी हातहरु यसरी नै उठ्नु पर्छ
अव यी हातहरु यसरी नै जुट्नु पर्छ
गाउँ वस्ति शहरवाट
हरेक तह र ताप्कावाट
देशको हरेक अङ्ग अङ्गवाट
वहुल विचार भएर उठ्नु पर्छ
वहुल जाति धर्म संस्कृति र भाषा भएर उठ्नु पर्छ
समावेशी र संघीयताको पक्षमा जुट्नु पर्छ
किनकी तिनै वहुल हातहरुको संरचनाले वनेको छ यो देश

हातहरु
आज अस्तित्वको युद्ध मोर्चामा छन्
आफ्नो नश्लको अभियानमा छन्
जहाँ कहिल्यै नदेखिएका हातहरु देखिएका छन्
जहाँ कहिल्यै नसुनिएका आवाजहरु सुनिएका छन्
यसरी सदियौं देखि उठेका हातहरुलाई
दमनकारी हातहरुले
दमनको ज्वालामा कतिलाई होमे
दमनको संगीनमा कतिलाई घोचे
तर हातहरु उठी नै रहे
परिवर्तनशील समयले
हातहरुका विरुद्ध
हातहरु नै उठी दिएपछि
साथहरुका विरुद्ध
साथहरु नै जुटी दिएपछि
ढलेकाछन् दमनकारी हातहरु
गलेकाछन् दमनकारी ती हातहरु
डढेकाछन् दमनकारी ती हातहरु
हारेकाछन् दमनकारी ती हातहरु
यसरी स्वतन्त्रता लागि
र्सार्वभौमको लागि
स्वभिमानको लागि
अस्तित्वको लागि
कहिल्यै नढल्नेगरि उठेकाछन् हातहरु

हातहरु
हतियार हुन् आफ्नो विरुद्धमा
उभ्नेहरुको लागि
हातहरु
कलम हुन् साँचो र्इतिहास
लेख्नेहरुको लागि
त्यसैले हरेक देशमा परिवर्तनको लागि
हातहरु उठेका हुन्छन्
त्यसकारण यो देशमा पनि हातहरु
धेरै पहिले देखि उठेका हुन्
धेरै पहिले देखि जुटेका हुन्
किनभने सवैलाई विश्वास थियो
यसरी उठि सकेका हातहरुले
देशको मुहार फेर्नेछ भनेर
देशको पुन निर्माण गर्नेछ भनेर
तर्सथ हाम्रा हातहरु आजभोलि
हाम्रै भएकाछन्
अव कसैले जोरी नखोजे हुन्छ
हातहरुसँग
किनभने हातहरु व्युँझि सकेकाछन्
गाउँ वस्ति शहरवाट
हरेक तह र ताप्कावाट
देशको हरेक अङ्ग अङ्गवाट
अव कसैले छेक्न नखोजे हुन्छ
किनकी हातहरु स्वतन्त्र भैसकेकाछन्